Usa nga kakaiba nga ice cream an presente nga nagba-viral yana ha usa nga roadside dinner ha Iwate Prefecture han Japan: an soft-serve ice cream nga ginhaluan hin presko nga talaba (oyster) ngan toyo (soy sauce).
Bisan man kun ha syahan nga pamati in baga-baga hin dire maupay nga kombinasyon an matam-is nga gatas han ice cream ngan presko nga talaba, iginduduon han mga nakatesting na han pinakabag-o nga summer dessert han Michino-eki Yamada nga sulit ini tilawan.
Mahitungod ha kyuryusidad, madagmit nga gindaramuan an nasabi nga kaunan han mga tawo nga karuyag ma-eksperyensyahan an kakaiba nga panrasa nga hatag hini.
An kakaiba nga pampataghom in mayda base nga milky nga soft-serve ice cream nga ginbawbawan hin presko nga talaba tikang ha Yamada Bay, ngan mayda toppings nga special soy sauce. Bisan man kun dire ini an pinakamarasa nga paghulagway para ha usa nga dessert, an gin-urusa nga rasa han presko nga seafood, tam-is han gatas, ngan parat han toyo in sigurado nga makakapukaw ngan magpapakalas ha panrasa han makaon hini.
Han magtikang nga magsarang an mga litrato ngan video han nasabi nga ice cream ha social media, damo an dire natuod, Mayda pira nga naghuhuna nga himo la ini han AI ngan dire tinuod nga pagkaon.
Ginlalauman naman nga padayon nga igse-serve han Michino-eki Yamada an iya oyster-infused ice cream ha bug-os nga summer season.
