Ha botos nga 34-1, ngan waray abstention, iginmando han House Committe on Justice an pag-isyu han subpoena ha Office of the Ombudsman agud kuhaon an mga Statement of Assets, Liabilities and Net Worth (SALN) ni Vice President Sara Duterte kasumpay ha alegasyon han dire ma-eksplikar nga karikuhan.
Iginsalawad ni Manila Rep. Joel Chua an mosyon agud makuha an certified copies han SALN ni Duterte para ha mga tuig 2007–2013, 2016–2022, ngan 2022–2025, nga nasakop han iya pagserbi kumo alkalde han Davao City ngan bise presidente.
Dire naman abuyon hi Cagayan de Oro Rep. Rufus Rodriguez ha mosyon, nga nagresulta han botosay ha panel.
Sumala kan Justice panel chair Rep. Jinky Luistro, dayun nga igpapatuman an subpoena agud igpasa an mga dokumento.
Kaparte ini han mas ginpahugot nga imbestigasyon han komite agud matudlok kun mayda supresyente nga basaranan agud igduso an kaso ha impeachment trial ha Senado.
