ODD NEWS – May usa nga klase nga hito (catfish) ha Congo, Africa an kakaiba an pamaagi han paglangoy ngan ine in pabaliktad ! An hito in mabibilngan ha mga salug ha kabukiran hiton Congo.
Ginaaligar nga pabaliktad an paglangoy han mga hito matungod ha ira ginkakakon . Kaparehos han iba nga hito nga “surface feeders” an mga ine.
Nakabaliktad hira kun lumangoy matungod ha sugad nga posisyong in mas madagmit nira nga masasalo an mga nahuhulog nga pagkaon ha tubig.
Matungod ha ira lain nga pamaagi hin paglangoy , damo an karuyag nga mag-atiman han mga ine ha ira mga aquarium.
Sumala ha mga eksperto, an pag-aatiman ha mga hito in kinahanglan nga dire ine ighalo ha iba nga mga isda ilabi na ha mga isda nga agrisibo.
Damo an tsansa nga pagbubligan han iba nga isda an mga hito matungod ha ira lain nga paglangoy.
Karuyag ngadaw gehapon hiton mao nga isda nga damo an ira matataguan matungod nga mahilig hira ha higlarom nga parte hiton aquarium. Labot la ha hine nga mga pahinumdum , waray na iba nga kinahanglan nga kabarak-an matungod in madagmit nga atimanan an mga ine nga pabaliktad kun lumangoy.
