TACLOBAN CITY – Patay an usa nga lider han New People’s Army (NPA) mahuman an natabo nga engkwentro han butnga hiton tropa han gobyerno ha Brgy. Osmena, Gen. McArthur, Eastern Samar dida han aga han nakalabay nga adlaw. Hulyo 25, 2024.
Sumala kan Maj. Kaharudin Cadil, Civil Military Officer han 802nd Brigade 8ID PA, naka-engkwentro han mga kasundaluhan han 78th Infantry Battalion an pito (7) nga miyembro hiton NPA ha butnga han pagbubuhat hiton operasyon pan seguridad ha upland village han nasabi nga lugar nga kun diin, nagresulta ini han pagkamatay han gintotoohan nga lider han walhon nga grupo.
Ginkilala naman an nasabi nga namatay nga lider kan alyas “Duran”, squad leader han squad 2 hiton bag-o la nga nagburublag nga APOY Platoon.
Dugang pa ni Cadil nga narekober gihapon han mga otoridad an usa nga kalibre 45 (Caliber 45.), nga armas, magkadurudilain nga war materials, mga importante nga dokumento, ngan homemade grenade ha lugar hiton insidente.
Samtang waray naman may nadarahigan ha panig han mga kasundaluhan.
An naka-engkwentro han mga kasundaluhan in gintotoohan nga an mga daw nabibilin nga miyembro han ginpantampo nga squad 1 ngan squad 2, APOY Platoon SRC SESAME, EVRPC.
