SPORTS NEWS- Mabandera an ngaran ni Hidilyn Diaz ha mga atleta nga Pinoy ha nasud nga masabak ha 2025 Southeast Asian Games (SEA) ha Thailand ha bulan hiton Disyembre.
Masabak an syahan nga Olympic gold medalist nga hi Diaz ha women’s 58 kg. division.
Ine an iya pagbalik tikang ha SEA Gamers mahuman nga waray makagmulay hadton 2023 SEA Games ha Cambodia para makagpukos ha 2024 Paris Olympics.
Manunumduman, nagdaog hin back-to-back gold medal hi Diaz hadton 2019 ngan 2022 SEA Games kun diin nanguna ha 55 kg. division hi Diaz han tuig 2019 nga gindumara ha Pilipinas ngan nadepensaran an titulo han 2022 ha Vietnam.
Mababaruan nga han tuig 2023 in waray gihapon ine maka-api ha SEA Games para sumabak ha Asian Weightlifting Championships ha usa nga Olympic qualifiers.
