Iginduon ni Senadora Imee Marcos nga baga-baga hin damo nga mga flood control projects han Unified Project Management Office (UPMO) in ghost projects, gingagatasan, ngan pakusugay an ginpapatuman agud makakuha hin milyon-milyon nga proyekto.
Iginpahayag ine han senadora kan Department of Public Works and Highways (DPWH) Secretary Vince Dizon.
Iginbuyagyag ni Marcos nga haros P1 trilyon na an nagastos ha mga foreign assisted flood control project ha nakalabay nga 10 katuig, pero hasta yana in waray la gihapon klaro nga resulta.
Ginsukna gihapon hine an ahensya mahitungod ha kakulangan hin klaro ngan ha maupay nga listahan han mga proyekto, labi na ha mga pangunahon nga salog ngan baybayon nga maiha na nga ginbubutangan hin pondo.
Dugang pa ni Marcos, baga-baga hin lumubo ha 2025 General Appropriations Act (GAA) an foreign-assisted projects ha P16 bilyon tikang ha anay P9 bilyon.
Maiha na daw gihapon nga gin aaro han magbabalaod an mga kompleto nga accomplishment report han ahensya pero dire la gihapon ine kompleto nga naihatag.
Gin kwestyon gihapon han senador an bisa han mga flood control projects ha kaluyo han kadako han pondo.
