NATIONAL – Maabot ha 239% an naiban ha masuok nga prison facilities nga ginmamanguluhan han BuCor kaupod na hine an New Bilibid Prison.
Ine an ginkumpirma han Department of Justice ha media.
An nasabi nga ihap in kaparehas han haros 12,000 nga mga PDLs nga ginpagawas tikang pa dida han 2022.
Subay ha DOJ, nagpapabilin nga ayat an congestion ha mga prisuhan ha nasud pero ha panayhon han administrasyon Marcos Jr. in nakagpagawas na ine hin 11,940 nga inmate mahuman an mahugot nga panginano ha mga record han mga priso.
Pag eksplikar ni DOJ Undersecretary Jesse Andres, dako nga iban an haros 239% tikang ha lumingkod hi PBBM.
Dugang pa ni Andres, an BuCor in nagpapagawas hin sobra-kulang 400 nga preso kada bulan nga nakakumpleto hin maximum prison sentence, naabswelto, natagan hin parole o natagan hin ecxecutive clemency.
