ENTERTAINMENT NEWS– Nakit-an nga patay ha iya panimalay hi Grammy-nominated musician John Forte.
Subay ha mga otoridad, nakakarawat hira hin tawag mahuman madiskubrehan han iya sangkay nga waray na kinabuhi an singer ha sulod han iya balay ha Chilmark, Massachusetts.
Waray naman nakit-an na senyales hiton foul play an mga kapulisan sanglit ginpailarom ine ha medical examination para mabaruan an rason han nagin kamatayon.
Hi Forte in nagin multi-instrumentalist ngan rapperngan nagpagawas hin solo album nga “Poly Sci” ngan “I John”.
Tuig 2000 naman han maaresto ine ha Newark International Airport matungod ha pagkakamayda hin liquid cocaine ngan drug trafficking.
Ginsirotan ine nga mapreso hin 14 katuig pero naibanan ine hin 7 katuig han matagan hiya hin presidential pardon ni anay Presiden George W. Bush.
