NATIONAL – Naghatag an gobyerno han Amerika hin P84 million o $1.5 million nga humanitarian assistance para ha mga biktima han Bagyong Kristine.
Subay ha US Embassy nga naka-base ha Maynila, an nasabi nga pondo in kumo augmentation ha nagpapadayon nga paningkamot han US Agency for International Development (USAID) para maipanhatag an mga lifesaving assistance para ha mga gin agian han bagyo ha Bicol ngan ha Batangas nga makarekober hin talwas ngan may dignidad.
Ginpahayag gihapon han Embahada nga pinagi han nasabi nga pondo, makakaghatag an USAID hin mga kinahanglan nga serbison sugad han malimpyo nga tubig, sanitation, emergency shelter ngan bulig-pinansiyal. Mabulig gihapon an ahensya ha paghahatag hin logistics supports ha panginano han mga evacuation center.
Samtang, nauna naman na nga bumulig an USAID dida han nakalabay nga semana ha Office of the Civil Defense pinaagi han panhatag han shelter-grade tarpaulins ngan household relief kits ha Bicol pinaagi han C-130 nga igin hatag han gobyerno han Singapore.
