-- Advertisements --
INTERNATIONAL–Humaluag pa an gios protesta ha nasud han Iran kontra ha inflation ngan paghamubo han kantidad han ira kwarta.
Umabot na ha haros 3 ka adlaw an nasabi nga protesta nga nagtikang ha Tehran ngan yana in nahihitabo na gihapon ha iba iba nga siyudad.
Nagtikang ini han adlaw han Domingo han nagin hamubo an kantidad han Iran rial kontra ha US Dollar.
Nagpasarang naman hin mga kapulisan agud nga masigurado an seguridad ha nasabi nga lugar.
Ginmanduhan naman ni Iranian Oresident Masoud Pezeshkian, an iya mga gabineta nga maghimo dayon hin pitad ngan batunon an mga panawagan han mga nagbubuhat han gios protesta.
