-- Advertisements --
TACLOBAN CITY – Plano han syudad nga pagtindugon ha Plaza Rizal an Giant Christmas tree yana nga mga masunod nga adlaw.
Sumala kan Malu Tabao, Head han City Tourism Office han Tacloban City, plano han ira ahensya nga an Christmas tree in magin cooperative effort han ngatanan sanglit permi daw an ira opisina nagpapadara hin mga surat ha mga business sectors han syudad.
Dugang pa hine, mas maupay kun pagbububligan an pagtindog han Christmas tree kay senyales daw ine han pagkakaurusa.
Magkakamayda naman hin Christmas lighting an City Hall nga nakaplano nga abrihan dida hiton sunod nga bulan, Disyembre 2 ngan susundan naman han pagpalaga han Giant Christmas ha Plaza Rizal.
