LOKAL – Ginpamahayag han National Grid Corporation of the Philippines nga generation deficiency daw an rason han naeeksperyensyahan nga mga rotational brownouts ha syudad han Tacloban.
Sumala kan Edna Legaspina,Media Relation Officer han National Grid Corporation of the Philippines (NGCP ) padayon la gihapon an load dropping han mga linya han kuryente mahitungod nga nagkamay-ada hin generation deficiency matima an nahipatik nga linog ha Leyte dida han nakalabay nga Hulyo 6.
An pamahayag ni Edna Legaspina,Media Relation Officer han National Grid Corporation of the Philippines
Diri pa daw naibabalik ha normal an kapasidad han ira mga powerplants mahitungod nga grabe ini nga nadahigan nakalabay nga linog.
Ginklaro liwat ni Legaspina nga ha mga pili la nga mga lugar han Sinirangan Bisayas naeeksperyensyahan an natura nga rotational brown out.
Ha pagkayana in pipira pala ka megawatts hin kuryente an nakukuha han NGCP ha Tongonan power plants ngan an iba naman in nagtitikang ha iba- iba nga parte han han Visayas.
Target han NGCP nga magkaada na hin full power restoration ha maabot nga Setyembre 8.
