NATIONAL – Dire daw papalagpason ni Philippine National Police (PNP) Criminal Investigation and Detection Group (CIDG) Officer-in-Charge PBGen. Nicolas Torre III an mga nandadabi ha iya pamilya kasumpay han malinampuson nga pagkadakop kan Apollo Quiboloy.
Pag-istorya pa han heneral, pira nga mga membro na ha Kingdom of Jesus Christ an umatake ha iya pamilya pinaagi han social media.
Dugang pa hine, ginbaha hin mga hate messages an mga social media han iya mga anak ngan magin an iya asawa.
Sumala pa kan Torre, waray hiya problema kun ig-harass han mga supporters ni Quiboloy an mga kapulisan kaupod na hiya pero dire daw niya papalagpason an pag atake ha iya pamilya o pamilya han mga kaparehas niya pulis nga nagin kaparte han malinampuson nga operasyon.
Igin aandam na nira an mga kaso nga kakaatubangon han mga supporter nga syahan na nga natudlok nga nagbuhat hine.
