-- Advertisements --
SPORTS – Ginpangunahan ni Spurs guard De’Aaron Fox an daog han San Antonio Spurs kontra ha Portland Trail Blazers ha iskor nga 112-101.
Ha sakob han 35 ka-minutos nga pagmumulay, nakapaghipatik hi Fox hin 25 points, lima ka-rebounds, ngan pito ka-assist, labot la ha tulo pa nga steals.
Waray huminay an Spurs bisan waray an ira bigman nga hi Victor Wembanyama, imbes, nagpakita lugod an Spurs han ira impresibo nga team effort kun diin kada player in nakapuntos.
Nagin dukot an mulay ha siyahan nga parte, kun diin makapira nagbalyuay hin lamang an duha nga grupo.
Ha kaurhiaan, nakaghipatik an Spurs hin double-digit lead ha paghuhuman han ikatulo nga kwarter ngan waray na ini ginbuli-iwan kutob ha urhi nga buzzer.
