TACLOBAN CITY: Naghatag han iya punto iton usa nga anay Gobernador han Eastern Samar, kasumpay ha ginkaka-atubang nga mga kontrobersya hiton Bise Presidente Sara Duterte.
Sumala kan Former Governor, Eastern Samar, Atty. Lutgardo Barbo, nga ha iya personal nga opinyon, usa nga matatawag nga spoiled brat hi VP Sara, matungod dara na gihapon ine han iya pagigin anak hiton anay Presidente, ngan sugadman in ika-duha hiton hitaas nga opisyal han nasud.
Dugang pa ni Barbo, nga kinahanglan mabaro hi VP Sara, nga magpa-ubos ha kaluyo han iya pagigin Bise Presidente han nasud.
Gintagan pa hine duon hiton anay gobernador, kumo usa nga public servant in kinahanglan magin usa nga susbaranan hiton ngatanan, ngan magin ehemplo han pagigin maupay nga lider hiton nasud.
Naghatag gihapon ine han iya opinyon, kasumpay ha nagin confidential fund han bise presidente, nga nagasto ha sulod la han 11 ka-adlaw.
Nagsuhestyon naman hi Atty.Barbo, nga magin transparent an bise presidente ngan batunon hine an mga pamakiana han iya igkasi manbaralaod han nasud.
