-- Advertisements --
TACLOBAN CITY — Natad-an nga waray na kinabuhi an usa nga foreign national ha Brgy. Cantutang, Padre Burgos, Southern Leyte.
Ginkilala an biktima kan Jadrah Svestka, 61 an pangidaron, Dutch National ngan temporaryo nga nag uukoy ha Brgy. Tangkaan, Padre Burgos, S. Leyte.
Sumala kan PLt. Joselito Esquillo, Hepe han Padre Burgos MPS, nadiskobrehan nala an biktima han iya caretaker nga waray na kinabuhi ngan na-aagnas na didto ha iya bukid.
Nakitaan naman ini hin samad ha likod han iya ulo nga indikasyon nga ini in posible nga gin balbag nga amu an nagin hinungdan han iya kamatayon.
Padayon naman an gindudumara nga imbestigasyon han mga kapulisan kun hino an nagpapaluyo ha pagpataya han biktima.
