TACLOBAN CITY – Ginpatuman an forced evacuation ha mga residente ha pira nga mga low lying areas ha San Miguel Leyte durot hiton waray wantas nga pag-inuran nga dara han Bagyong Agaton.
Sumala kan Hon. Mayor Zabdao, Municipal Mayor San Miguel Leyte, nakaalerto na gihapon an mga personnel han Baranggay Risk Reduction and Management kalakip na an mga Municipal rescuers ha mga posible mahitabo ngan ha mga panginahanglan han mga residente.
Dugang pa hini, aada na ha national highway an tubig-baha matungod kun makusog ngadaw an mga pag-uran labi na kun bagyo in ha ira an bagsak han tubig nga nagtitikang ha katharani nga bungto.
Ha pagkayana in nagpapadayon pa an mandatoryo nga panbakwit ha mga residente nga nag-uukoy ha mga low lying areas pakadto ha mas talwas nga lugar.
Nakaandam na gihapon an mga relief goods nga igpapandistribwer ha mga evacuees ha bisan ano nga oras.
