TACLOBAN CITY–Ginpasamwak han Bureau of Fisheries and Aquatic Resources Region 8, nga an Philippine Fisheries and Coastal Resiliency (FishCoRe) Project in abre para ha mga parupangisda ha rehiyon.
Sumala kan Christine Gresola, Information Officer han BFAR VIII, usa ini nga World Bank-funded project kun diin beneficiaries an Fisheries Management Areas (FMA) 6 ngan 9.
Ginmalatumat naman ni Gresola nga dire kwalipikado an ngatanan nga bungto han rehiyon, kondi an mga bungto nga harani ha Sogod Bay nga miyembro han FMA 9.
Kalakip ha mga miyembro nga bungto an San Ricardo, Pintuyan, San Francisco, Liloan, Libagon, Sogod, Bontoc, Tomas Oppus, Malitbog, Padre Burgos, Macrohon, Maasin, ngan Limasawa Island.
Mababaruan nga ha masunod nga bulan in magkakamayda na closed fishing season, rason kun kay-anu gin-aabrehan nira ine nga programa para ha mga parupangisda, agud nga makabulig ha ira pakabuhi.
