TACLOBAN CITY – Usa nga fetus nga gin aalegar napunit ha nanay an nahikit-an ha Old Public Cementery han Brgy. Central, Hilongos, Leyte.
Sumala kan Hilongos Municipal Police Station Chief of Police, PMaj. Ambrosio Demain, nakakarawat hira hin tawag tikang ha usa nga concerned citizens kasumpay han nahikit-an nga fetus.
Kun diin, dayun naman nga nagresponde an mga kapulisan ha nasabi nga insidente.
Mahuman nga matudlok an kag-anak han nasabi nga fetus in gin imbitahan an mga ine ha istasyon han kapulisan.
Sumala han waray na ngarani nga kag-anak han fetus, gindara nira an fetus dida han gab-i kun diin ginsulod ine han tatay dida han bakante nga pantyun ngan plano daw ine nira balikon dida han aga na agud mahilubong ine hin maupay.
Samtang, sumala naman han nakakita in nakada na ine ha ubos han pantyun nakabutang ngan nakasulod ine ha usa nga delivery box.
Dugang pa han nanay han fetus, lima kabulan na hiya nga burod han mapunitan daw hiya.
Ha pagkayana in ginhuhulat pa naman an resulta han post mortem examination ngan igtatanding pa daw gihapon an sumat han mga kag-anak han fetus ngan ha mga kakilala hine o duok nga balay.
