-- Advertisements --
NATIONAL – Utro nga iginduon ni anay Presidente Rodrigo Duterte nga an iya ginbuhat in para ha nasud.
Ine an mensahe an anay president han bisitahon hiya ni VP Sara Duterte.
Sumala ha bise-presidente, karuyag han anay presidente nga padagmitan an proseo han iya kaso.
Iginkakabaraka manggud han 80-anyos nga anay presidente nga bangin abuton pa daw hiya han iya kamatayon samtang ada ha kustodiya han International Criminal Court (ICC).
Dire naman masigurado han bise-presidente kun an ginpahayag han anay presidente in pag-amin ha mga nahitabo nga pamatay ha war on drugs hine.
