NATIONAL – Ginsiguro ni Senador Sherwin Gatchalian nga kalakip na ha iimbestigaran han Senado an igin-buyagyag han Philippine Amusement and Gaming Corporation (PAGCOR) kabahin ha usa nga anay cabinet official nga naghahatag hin lisensya ha pipira nga mga Philippine Offshore Gaming Operator o POGO nga dabi ha mga krimen ngan an mga naupod ha mga gin-raid han mga otoridad dida han nakalabay.
Sumala kan Gatchalian, kinahanglan in gin ngaranan na han PAGCOR kun hin-o man an nasabi nga anay gabinete agud waray na suspense ngan mabaruan han Senado an pangilal-an hini agud matikangan an proseso para ha desposasyon hini.
Samtang, ginamin naman ni Gatchalian nga mayda na hiya ideya kun hin-o an posible nga gin-tutudlok han PAGCOR pero waray pa hiya insakto nga ebidensya ngan kinahanglan anay ini nga pag-istudyuhan hin maupay agud mahibaruan an kapasidad ngan impluwensya han waray pa ngarani nga opisyal.
