TACLOBAN CITY- Nalipat an mga pasaheros han usa nga flight han British Airways tikang ha London nga pakadto ha Germany han mabaruan nga ha Scotland hira naglanding.
Tilupad kunta ine pakadto ha Dusseldorf, Germany pero matungod ha sayop nga flight plan nga ginhatag in kahuna han piloto ngan crew nga tikadto hira ha Edinburgh, Scotland.
Sumala ha usa nga pasahero nga hi Zsofia Szabo nga napansin daw niya nga mayda sayop ha ira flight han kumita hiya ha gawas han eroplano samtang tilanding na ine.
Iba daw kasi an itsura han palibot hine tikang ha hitsura han Germany pero ginkahuna hine nga nagkaada la hira gutiay nga detour.
Dayon naman nga umaro hin pasaylo an flight crew han madiskubre nira an ira sayop.
Nagkaragtatawa pa daw an tanan han yaknon han usa nga flight attendant nga umalsa an kamot han mga tikadto ha Germany, matungod nga tanan ngean nga pasaheros han eroplano in tikadto naman talaga.
Nagexplikar naman an kapitan nga tikadto na gihapon hira ha sakto nga destinasyon mahuman nga magrefuel an eroplano.
Sumala naman ha usa nga tagapagyakan han airline, nga umaro na hira hin pasaylo ha mga pasaheros ngan usa-usa daw ine nira nga kokontakon bahin ha natabo nga aberya.
