NORTHERN SAMAR – Patay an duha nga membro han walhun nga grupo ha magkalain nga nahitabo nga engkwentro ha Barangay San Francisco ngan Barangay Cuenco, Las Navas, Northern Samar.
Sumala kan Philippine Army 8th Infantry Division, Division Public Affairs Officer, Maj. Jefferson Mariano, syahan nga nahitabo an engkwentro ha Brgy. Cuenco, Las Navas, Northern, dida pa han Marso 23 kun diin nagbalyuay hin bala an 19th Infantry Battalion ngan haros 15 nga mga membro han Sub-Regional Guerrilla Unit (SRGU), Sub-Regional Committee (SRC) Emporium, Eastern Visayas Regional Party Committee.
Kun diin, nagresulta naman ine han kapatay kan Domeng Tulin, alyas Pawa, ngan pagkakuha han upat nga mga bags, mga armas, ngan mga personal nga gamit han mga ine.
Samtang, dida la han Marso 28 in naka-engkwentro gihapon han 20th Infantry Battalion an napulo nga membro han Regional Guerrilla Unit (RGU), Eastern Visayas Regional Party Committee (EVRPC), nga pinangungunahan ni alyas Rebok.
Narekober gihapon ha nasabi nga engkwentro an pira nga personal nga gamit han mga rebelde, ngan mga arman sugad han M16 ngan tulo nga long magazine.
Napatay naman ha engkwentro an usa nga rebelde.
Ha lain nga bahin, an syahan nga napatay nga rebelde in nahilubong na, samtang, an usa in waray pa pangilal-an ngan padayon pa nga ginkukuha an identidad hine.
