TACLOBAN CITY--Malipayon nga igin malatumat han Social Security System ha publiko nga presente nga abilable an SSS Emergency Loan Program para ha mga meyembro nga nanginginahanglan hin kwarta.
An nasabi nga programa in alinsunod han pag deklara ug pag pa ilarom ni Presidente Ferdinand Marcos Jr. han State of National Calamity han nasud kun diin alinsunod ha pag deklara han presidente in nagpagawas an SSS hin Circular No. 2025-011 agud maghatag hin emergency loan program ha benipisyaryo.
Sumala kan Social Security System Visayas Central 2 Division Acting Regional Communications Officer, Atty. Jepernick Espadero, an nasabi nga circular no. in an opisyal nga aludayday han nasabi nga loan program kun diin maabot ha P20,000 an pwede mahuram han kada-membro, pero madepende liwat ine ha monthly salary credit han mahuram.
Pananglitan, an monthly salary credit han membro in ada ha P30,000, an mahuhuram la hine in P20,000 mahitungod nga amu an maximum nga pwede mahuram.
Pero kun an monthly salary credit in ada la ha P18,000, in P18,000 la liwat an pwede mahuram hine.
Dugang pa hine, pwede gihapon nga less than P20,000 an huramon han mga membro nga kwalipikado ha P20,000 loan, kun dire karuyag han mga ine hin dako nga baraydan.
Sumala pa kan Espadero, ngatanan nga meyembro han SSS employed, self-employed, voluntary, non-working spouse, ngan kasambahay—in pwede maka-avail han nasabi nga programa.
