-- Advertisements --
TACLOBAN CITY — Nagdumara hin emergency evacuation ha mga studyante han siyudad han Ormoc, tacloban ngan pira nga parte han Leyte kaparte ha natabo nga 5.4 magnitude nga aftershock kanina han 9:41 han aga.
Waray naman kapugngi nga magpanic an mga studyante labi na nga diri la gihap nawawara ha ira an kahadlok ha naeksperyensyahan nga makusog nga pagbay-og dida han nakalabay nga semana.
Nagkagawas ha ira tagsa-tagsa nga mga skwelahan an nga studyante tikang ha Rizal Elementary School tungod ha kahadlok.
Manunumduman nga yana nga adlaw an pagbalik ha skwela unta han mga studyante pero dayon naman ini nga ginbawi tungod han gin-abat nga makusog nga aftershock.
