ALLEN NORTHERN SAMAR–Nakumpiska han Philippine National Police (PNP) ngan Philippine Coast Guard (PCG) an 500 ka reams hin elicit cigarettes ha pantalan han Allen, Northern Samar, dida han ika 22 han Enero.
Sumala kan Atty. Neil Corderro, Chief Regional Investigation Division han BIR RR 14, Eastern Visayas, inbound tikang ha Matnog Port an mga nasabi nga sigarilyo ha usa nga wing van, ngan for delivery ha Catarman, Northern Samar
Gindiwara naman han suspek nga propyedad niya an nasabi nga sigarilyo pero nasabtan nga pribado nga sarakyan an gingamit ha pagdara han mga hini.
Umabot naman ha P500-K an street value han mga narekupo nga sigarilyo, nga tikang ha magkalain-lain nga brand kalakip an HP, Concord, ngan Modern Cigarettes.
Dugang pa hini, ginmalatumat ni Cordero nga naka-impound na an mao nga sarakyan nga gingamit ha insidente ha ira opisina ha Palo, Leyte.
Samtang, ha lain nga operasyon, nakumpiska gihapon an mga elicit cigarettes tikang ha 2 nga negosyante ha Brgy. Sabang Zone 1, Allen Northern Samar, han ika 19 han Enero.
Narekupo han mga otoridad an 58 ka reams hin illigal nga sigarilyo nga mayada street value nga P58-K.
Gin-eksplikar ni Cordero, nga waray an mga ini excise stamp, rason kun kayano iligal an mga nasabi nga produkto.
Mag-aatubang naman an mga suspetsado hin kapresuhan ga 4012 katuig.
