TACLOBAN CITY – Nagpalusad hin mga plano kasumpay hiton nagpapadayun nga El Niño an action team hiton Department of Agriculture Regional Office 8.
Sumala kan Engr. Maria Luisa Capili, Head hiton Institutional Development Section hiton Department of Agriculture Regional Office 8, an nasabi nga action team in maiha na nga gintindog kun diin an daan pa daw hine nga ngaran in amu an El Niño Watch.
Kadungan daw han pagtindog han team in amu an paghimo gihapon han action plan basar ha regional climate outlook kun diin may-ada daw magkaduru-dilain nga regional climate outlook an kada rehiyon.
Ha rehiyon, an climate type hine in amu an Type 2 ngan Type 4, karuyag sidngon an rehiyon in waray klaro nga dry season pero damu an mga pag-uran ha bulan hiton Disyembre ngada ha Pebrero, samtang an Type 4 naman in an pag-uran ha rehiyon in magigin mas duro pa o dire pantay-pantay.
An ginhimo naman daw nga action plan in pag mitigate han magigin epekto in kaso nga magkamay-ada hin phenomena.
