-- Advertisements --
SPORTS – Desidido hi Filipino pole vaulter EJ Obiena nga humanon an iya college degree ha University of Santo Tomas.
Ginpahayag hine nga naniningkamot la gihapon hiya nga makuha an diploma ha kurso nga Electronic Engineering.
Nag leave of absence anay ine para pagpukusan an iya pagmumulay ha pole vault.
Ha presente in gin aayad na hine an pira nga mga schedule para makahuman na ha college.
Manunumduman nga temporaryo nga dire mabulig hi Obiena ha mga torneo yana nga tuig mahitungod nga nagpapaupay pa ine ha iya spine injury kun diin ginsigurado naman hine nga ha masunod nga tuig in masabak na ine utro ha international tournament.
