Natuod hi anay International Criminal Court (ICC) Judge Raul Pangalangan nga sakto na an ebidensya nga gin presenta han prosekusyon agud ig-convict hi anay presidente Rodrigo Duterte.
Sumala ha anay husgado ngan anay dean han U.P. College of Law, madig-on an mga ebidensya nga gin presenta han prosekusyon ha syahan nga adlaw han hearing, ngan supresyente ini agud aghaton an mga husgado han ICC.
Ugsa pa nagtikang an pagdungog, ginlalauman hini nga igpi-presenta han panel an ira witness agud igpakita an merito han ira kaso.
Lugod, gintag-usa usa han mga prosecutor an pira nga ‘specific details’ han mga kaso nga gin aakusa kan Duterte, kaupod na an mga video clips nga nagpapakita ha mga kontobersyal nga pahayag hadto han anay presidente.
Dire gihapon ginwawara han anay ICC judge an posibilidad nga gin aandam ngan gintitirok pa han panel an ira ‘pinakamakusog nga ebidensya’ para ha trial proper, ha oras nga umabante an kaso tikang ha confirmation stage.
Kalakip ha mga gin presenta han panel ha syahan nga adlaw han confirmation hearing han anay presidente in an mga videos han anay presidente kun diin gin amin mismo hini an pira nga pamatay, ngan pira pa nga kontrobersyal nga kamaduan ha kakusgan han illegal drugs campaign.
Ha nagin pahayag naman han senior trial lawyer han Office of the Prosecutor nga hi Julian Nicholls ha kakusgan han pagdungog, ginmalatumat hini nga madig-on an kapot nga ebidensya han proseksuyon ngan akos han panel nga ig-convict an anay presidente, kun magde-desisyon la an mga judge nga ig padayon ini ha full trial.
