TACLOBAN CITY – Ginpahayag han Provincial Tourism Office han Eastern Samar nga abre na tanan han ira mga tourism sites ngan destinations dire la para ha mga lokal nga turista kundi pati na gihapon ha mga langyawanon nga turista.
Sumala kan Neil Pinarok, Provincial Tourism Officer han Eastern Samar, mahitungod nga ginpahuruhukal na an restrictions kasunod han padayon nga paghabubo han COVID-19 cases ha nasud, gintutugot na ha ira probinsya an mga langyawanon nga bumisita ha ira mga tourism destinations.
Padayon naman an mga health protocols ngan requirements nga ginpapatuman ha kada bungto han ira probinsya depende ha ginpalusad nga mga aludayday han national IATF.
Ha pagkayana in ada na ha alert level 2 status an Eastern Samar ngan ginlalauman nga mapapahabubo pa ini ha alert level 1 ha masunod nga anunsyo han national IATF.
