TACLOBAN CITY – Arestado han mga otoridad an duwa nga nanay tungod ha poagbabaligya han mga hubo lubas nga anak ha online.
Sumala kan PSSupt. Nicolas Torre III, Hepe han Samar Police Provincial Office (SPPO) nga an duwa nga nanay nga waray pa ngarani in tikang ha Santa Margarita ngan Calbayog City ha Samar.
Dugang pa ni Torre nga upat ha mga menor de edad an ira nasalbar nga ginkakadabihan hin 5 anyos, 7 anyos, 9 anyos ngan 12 anyos nga bata nga babaye.
Nakompiska naman han mga otoridad an gingamit nga cellphone ha online nga transaksyon han mga suspek kun diin may sulod ini nga hubo lubas nga mga litrato ngan video han mga kabataan.
Ha pagkayana in nagpapabilin an duwa nga nanay ha Samar Police Provincial Office ngan naatubang ha kaangayan nga kaso samtang naturn over naman an upat nga mga menor de edad ha Department of Social Welfare and Development (DSWD-8).
