TACLOBAN CITY — Duwa nga magkasunod nga insidente han panbuno ha siyudad han Tacloban kakulop kun diin 2 ha mga ini in mga minor de edad.
Sumala kan PSInsp Jessica Ortega, tagapagyakan han TCPO, nga natabo an syahan nga stabbing incident banda alas 5:00 han kaagahon kakulop ha Brgy. 83-B Cogon San Jose, Tacloban City.
Ginkilala an biktima nga hi Edmund Dosinda, ada ha legal nga pangidaron ngan an suspek naman amu hi Leo Roncales, 35 anyos an pangidaron, usa nga construction worker ngan pareho residente han mao nga lugar.
Basar ha imbestigasyon han kapulisan nga nagkikita hin basketball an biktima han tigda nala ini pagbun-on makaduwa. Kumalagiw naman dayon an suspek nga hi Roncales.
Samtang, ha ikaduwa naman nga insidente han pan buno in nahipatik 10 han gabi may rizal avenue nga dalan kun diin pareho minor de edad an suspek ngan han biktima nga may personal nga away.
Nadakop naman an suspek samtang an biktima in nadara ha Eastern Visayas Regional Medical Center (EVRMC).
