BASAHA | Nagpadangat hin bulig an tag-iya han Duptours nga dabi han nagin madugo nga aksidente ha Basey Samar.
Maabot ha P400K nga Financial Assistance an iginhatag ha kada-pamilya han biktima nga namatay matungod han aksidente.
Personal naman nga ginbisita ni Rodolfo Pfleider, an operator ngan tag-iya han Duptours Shuttle Services, an tulo nga biktima nga taga Borongan, kun diin kadungan hine an pagduhol han bulig pinansyal.
Labot la ha P400K, nagpatapod ine ine nga babatunon nira an tanan nga burial expenses o panggastos ha palubong.
Nagbilin naman hin P20K nga cash assistance hi Pfleider ha mga pamilya han namatay kumo pauna nga pangastos.
Manunumduman, nga natabo an madugo nga insidente han Pebrero 10, han presente nga tuig kun diin usa nga van tikang ha Borongan City ngan pakanhi ha Tacloban, an tigda nga binmungo ha nakaparada nga 10-wheeler truck ha National Highway ha Brgy. Balud Basey Samar.
