TACLOBAN CITY – Arestado an duha nga mga ukay-ukay vendors mahuman nga maaktuhan nga nagpa-pot session ha sakob han usa nga van harani ha Isabel Public Market Area, Brgy. Marvel, Isabel Leyte.
Ginkilala an mga suspek nga hira nga Dennis Perez, 50 anyos, residente han Brgy. Tampoong, Sogod Southern Leyte, tag-iya han ukay-ukay ngan L300 van, ngan hi Pablo Pelona, 32 anyos ngan residente naman han Brgy. Marvel Isabel.
Sumala kan PMaj. Edgardo De Asis, Chief Of Police han Isabel, Leyte, pinaagi han usa nga confidential informant, naaktuhan ngan naaresto han mga kapulisan an mao nga mga suspek nga nagamit hin ilegal nga droga ha sakob han mao nga van.
An mao nga mga suspek in newly identified drug personalities.
Nakumpiskar tikang ha mga ini an usa ka-sachet han gintutuuhan nga shabu ngan pira nga mga paraphernalia.
Ha pagkayana, in naatubang na an mga suspek ha kaangayan nga kaso tungod han pagtalapas han Sec. 11, 12 ngan 15 han RA 9165 o an Comprehensive Dangerous Drugs Act of 2002.
