TACLOBAN CITY – Ginpatapod han Bureau of Internal Revenue (BIR) nga ira paglalanaton an mga nagpapaluyo han mga iligal nga nagpapalusot hin mga sigarilyo nga diri naagi ha sakto nga proseso dinhi ha Sinirangan Bisayas.
Una na gihapon nga iginbuyagyag han National Tobacco Administration (NTA) nga dinhi ha rehiyon in mayda duha nga mga probinsya nga ira giunkokonsidera nga hotspots area han smuggled cigarettes nga kun diin, aadto ini ha Probinsya han Southern Leyte ngan Biliran.
Sumala kan Atty. Karen Siayngco, Legal Division Chief han BIR Eastern Visayas, nga an mao nga burahaton in dako nga kalugian ha tax collection han gobyerno sanglit ira gin sisigurado nga mananagot an hino man nga nagpapaluyo han iligal nga buruhaton.
Pagdugang pa ni Rizalina Estrada, Revenue District Officer han Tacloban nga mayda na hira mga pitad nga ginhihimo agud masurapo an iligal nga aktibidad, pero waray naman igindetalye.
Pagpatapod pa ni Siayngco nga kun mayda man daw maghahatag ha ira nga impormasyon in dagmit ini nira nga gin aaksyunan.
