-- Advertisements --
TACLOBAN CITY – Arestado an duha nga drug suspect ha gindumara nga land interdiction operation han mga otoridad ha Brgy. 97 Cabalawan, San Juanico St. Tacloban City.
Ginkilala an mga suspek nga hira Antonio Malinao ngan Freiet Gabriel Isidro.
Sumala kan Rogellette Urgel, tagapagyakan han PDEA Regional Office 8, nakumpiskar ha mao nga operasyon an usa ka-sachet hin gintutuuhan nga shabu nga may estimated market value nga P48,766.
Ha pagkayana in nakadetine na an mga suspek ha PDEA 8 detention facility ngan naatubang na ha kaso nga pagtalapas han RA 9165 o an Comprehensive Dangerous Drugs Act of 2002.
