TACLOBAN CITY – Arestado an duha nga drug peddlers ha gindumara nga buy-bust operation ha Barangay 91 Abucay, Tacloban City.
Gin kilala naman an mga suspek kanda alyas ‘Pokak’, 39-anyos an pangidaron, pizza delivery driver, ngan residente han Brgy. 106, Sto. Niño Tacloban City ngan alyas ‘Ramil’, 47-anyos an trabaho, ngan residente han kaparehas nga Barangay.
Sumala kan PMaj. Marjorie Manuta, Information Officer hiton Tacloban City Police Office, parehas mga High-Valued-Target an mga suspek nga naaresto.
Dugang pa hine, an mga suspek in napreso na han una kun diin hi alyas ‘POKAK’ in napreso dida han nakalabay nga tuig-2016 mahitungod han kaso pagtaga-droga pero naka-avail ine han plea bargaining dida han tuig-2019, samtang hi alyas ‘RAMIL’ naman in napreso gihapon ha kaparehas nga rason dida han tuig-2004 ngan nakagawas ha presuhan dida han tuig-2018 pinaagi gihapon hin plea bargaining.
Durante han operasyon in napalit kan alyas POKAK an usa ka-sachet han illegal nga droga ngan nakuha ha mga suspek an gin aalegar nga shabu nga mayda estimated market value nga P816,000.
Papasakahan naman an mga suspek hin kaso an pagtalapas han Sec. 5 & 11 of Article II of RA 9165.
