-- Advertisements --
TACLOBAN CITY – Samaran an duha nga driver mahuman nga magbunggu-ay an mga ginmamanehuan hine nga sarakyan ha Maharlika Highway ha Brgy. Cantaba, Sta. Rita Samar
Sumala kan Hon. Nilo Gula, Brgy. Captain han Sitio Cantaba Brgy. Caticugan Sta.Rita Samar, tikang ha Catbalogan Samar an usa nga sarakyan samtang an usa naman in tipakadto liwat ha Catbalogan kun diin nagtapo ine ngan nabunggo an left side han usa nga sarakyan.
Mahibabaruan nga an usa nga truck in may-ada mga karga nga softdrinks ngan parehos an mga ine mayda mga sakay nga pahenante.
Dayon naman an mga ine nga gindara ha pinka-harani nga ospital.
Ha pagkayana in padayun naman nga nag-papaupay an mga driver kaupod an ira duha nga mga pahenante.
