-- Advertisements --
TACLOBAN CITY – Duha an patay ha nahitabo nga sunog ha duha nga panimalay ha Brgy. Talisay, Catarman Northern Samar.
Sumala kan Fire Inspector Darwin Orsolino, Municipal Fire Marshal han Catarman, an mao nga duha nga panimalay in gintatag-iyahan ni Manuel Basista ngan Delfin Oronos samtang an mga naawatan naman hin kinabuhi in usa nga 18 anyos nga babaye ngan 10 anyos nga lalaki.
Basar ha inisyal nga imbestigasyon, electrical ignition ngan overheating han appliances kun diin gintutuuhan nga nagtikang an sunog ha panimalay ni Basista.
An namatay nga mga biktima in gintutuuhan nga na-trap ngan waray makalusad tikang ha second floor han ira panimalay.
Ginbabana-bana nga maabot ha P600,000 an inisyal nga danyos nga ginbilin han mao nga insidente.
