ODD NEWS – Usa nga kakaiba nga ritwal an gindumara ha tay-aw nga lugar ha Pallipudupet village ha India. Ini in mahitungod nga duha nga bata nga babaye an ginkasal ha duha nga pakla.
![](https://img.bomboradyo.com/tacloban/2020/11/8efebe68eb0dfe3721c3a9ca6f5b2437.jpg)
An mao nga mga bata in nag-eedad 7 anyos pala. Ginbuhat an kakaiba nga ritwas ha mao nga lugar agud daw nga mapugngan an pagsarang han misteryoso nga sakit.
An duha nga mga bata in hira Vigneswari ngan Masiakanni. Waray naman senyales hin pagbaribad o pagdire han mga bata nga igkasal hira ha mga pakla tungod nga para ha ira karuyag nira nga masolbar an problema ha ira lugar. Nakasul-ot an mga ini han tradisyuna nga bado pangkasal ha India ngan mayda gihapon adorno ngan alahas.
Magkabulag nga ginkasal an duha nga bata ha duha nga pakla. Ginbuhat an mao nga seremonya ha duha nga temple ngan yinukot yukot an umatender nga bisita ngan mga residente hini.
Kahuman han kasal in nagkaada pa hin pangaon kun diin damo nga mga pagkaon an ginpagkaurusahan han mga tawo.
Samtang, labot la han mao nga kakaiba nga pagpapakasal, in usa gihapon nga Sudanese nga ginkilala kan Charles Tombe, an pwersahay nga ginpakasal ha usa nga kambing. San-o an pagpapakasal han mga ini in naghatag anay hin $75 hi Tombe ha tag-iya han kambing.Nahibaruan nga pwersahay daw nga ginpakasal an mao nga Sudanese tungod nga nadakop ini ha akto nga nakikipaghilawas ha mao nga kambing.