TACLOBAN CITY – Samaran an duha nga biktima ha nahitabo nga panmumusil ha Brgy. Salvacion Matuguinao, Samar.
Sumala kan PLt. Orlando Cañada, Acting Chief of Police han Matuguinao Municipal Police Station, ginkilala an mga biktima nga hira Jovito dela Cruz, 56 anyos an pangidaron ngan Margie Diaz, usa nga barangay Kagawad ngan parehos mga residente han mao nga barangay.
Samtang, ginkilala naman an suspek kan Richard dela Cruz, ada ha igo nga pangidaron ngan residente han Maduruto Matuguinao Samar.
Basar ha inisyal nga imbestigasyon, gintutuuhan nga personal grudge o delito an hinungdan han mao nga panmumusil han suspek.
Dayon naman nga gindara ha ospital an mga biktima ngan padayon nga nagpapatambal.
Papasakahan naman hin 2 counts nga kaso hin frustrated murder an suspek
