TACLOBAN CITY–Igpapatuman na hiton Department of Labor and Employment (DOLE) an dugang nga minimum wage ha Sinirangan Bisayas tinikangan ha ika 8 han Disyembre yana nga tuig.
Subay ha Wage Order No. 25, igpapatuman an syahan nga tranch yana nga ika 8 han Disyembre an dugang nga minimum wage nga P17 para ha mga non-agricultural ngan mga establismyento nga mayada sobra 10 nga empleyado.
Samtang an ika-duha nga tranch nga may dugang nga P18 pesos, in magigin epektibo han ika 1 han Hunyo tuig 2026, para ha mga non-agricultural ngan mga establismyento nga mayada sobra 10 nga empleyado.
Para naman han mga kasambahay ha mga syudad, Charted City, ngan First Class Municipalities nga maumento na an ira minimum wage ha P6,400 tikang ha P6,000 han ika 8 han Disyembre.
Para naman ha mga kasambahay ha mga 2nd class kutob 6th class municipalities, mahitaas an ira sweldo ha P5,800 – P5,500 epektibo ha ika 8 han Disyembre basar ha 𝗪𝗮𝗴𝗲 𝗢𝗿𝗱𝗲𝗿 𝗡𝗼. 𝗥𝗕𝗩𝗜𝗜𝗜-𝗗𝗪-𝟬𝟲.
Sumala kan Norma Rei Costimiano, Information Office han DOLE Eastern Visayas, basar ini ha mga sectoral consultations nga gindumara tikang han Agosto kutob Setyembre ha Ormoc, Maasin, Catbalogan, ngan Calbayog City.
Dugang pa ni Costimiano, pananglitan naman nga dire sumunod an mga employer in posible an mga ine umatubang ha mga penalidad.
Manunumduman, nga an an urhi nga pag-umento han sweldo in naipatuman han Disymbre 2024.
