TACLOBAN CITY – Guinklaro han tagmangulo han Department of Trade and Industry (DTI) Leyte Provincial Office nga diri daw la an Train Law an hinungdan ha paghataas ha presyo han mga panguna nga paraliton.
Guinmalatumat ni Lily Laraga, tagmangulo han DTI nga usa ha mga rason an pagkamay ada hin kadugangan nga sukot ha mga papliton an pag-import han mga raw materials tikang ha langyaw nga labnasan, paghamubo han peso-dollar exchange rate ngan an pagdeliver han mga produkto ha kaluyo han guin gagamit nga mahal nga presyo han gasolina.
Guinpahayag pa ni Laraga nga mahitungod hini, may paghitaas hin 25 sentimo hasta dos pesos an Suggested Retail Price (SRP) han magkadirudilain nga klasi hin produkto.
Samtang, nagpapadayon naman an mahugot nga monitoring han DTI ha mga tindahan han kada Local Government Unit (LGU) ha bug-os nga probinsya han Leyte.
