TACLOBAN CITY — Gin-aaghat an ngatanan han Department of Trade and Industry (DTI-Leyte) nga bumisita ha katapusan nga adlaw han Diskwentro Caravan nga ira gindumara ha Plaza Rizal ha siyudad han Tacloban.
Sumala kan Araceli Larraga, Provincial Director han DTI Leyte, magkalain-lain nga basic necessities ngan prime commodities an ginbabaligya ha mao nga caravan ha discounted nga presyo.
Mayda gihapon mga Agri-products sugad hiton utanon, bulad, prutas ngan NFA rice nga maabot P27 an kilo nga ginbabaligya para ha “abot kaya” nga budget para ha ngatanan.
Kasugbong han mao nga Caravan an pira nga mga distributors ngan magkalain-lain nga ahensya han gobyerno.
Gin-aaghat naman han mao nga opisyal an ngatanan nga bumisita ngan pumalit ha mga discounted products ha may Plaza Rizal, Tacloban labi na nga katapusan nala yana adlaw an pagdumara han mao nga Caravan.
