NATIONAL NEWS– Ginduduso yana han Department of Social Welfare and Development (DSWD) an modernisasyon ngan pagpapahaluay han kapasidad han National Resource Operations Center ha Pasay City ngan Visayas Disaster Resource Center (VDRC) ha Mandaue City, Cebu alinsunod ha kamanduhan ni Pangulong Ferdinand Marcos Jr.
Sumala kan DSWD Secretary Rex Gatchalian, humitaas na an kapasidad han duha nga center han mga ine, kasumpay ha paghimo hiton Family Food Packs (FPPs) tikang ha anay 40,000- 70,000 kada-adlaw nga FPPs.
Kalakip ha mga makabag-o nga pasilidad an 3 nga rice bagging machines nga nagamit hin vacuum seal technology para pahilabaon an shelf life han bugas ngan maprotehiran ine kontra ha mga hugaw.
Dugang pa hine, ginlunsar gihapon han DSWD an automated notifications para ha mga materyales han FFPs agud nga masigurado nga nasusubaybayan an expiration han mga relief goods.
