TACLOBAN CITY — Nagdumara hin fun run nga gintawag nga “Takbo Kalahi” an Department of Social Welfare and Development (DSWD) Regional Office 8 kumo adbokasiya nga kampanya ha pagkilala han mga volunteer han programa nga KALAHI CIDSS.
Sumala kan DSWD Regional Director, Restituto Macuto, nga dako an naging papel han mga volunteers ngan sugad man han mga Local Government Units (LGU) agud nga maging manilampuson an programa.
Mapinasalamaton naman an mao nga Director ha tanan nga mga bumulig agud nga ma implementar an iba iba nga mga proyekto ha magkadurudilain nga bungto han rehiyon.
An kaparte han pamahayag ni Restituto Macuto, DSWD Regional Director
Nahibaruan nga dida pa han tuig 2003 nagtikang an implementasyon han KALAHI-CIDSS kun diin damo na nga mga lugar ha sinirangang bisayas an nabuligan hini.
