TACLOBAN CITY– Ginpahibaro hiton Department of Social Welfare and Development (DSWD-8), an proseso han Assistance to Individuals In Crisis Situations AICS Program, ngan an Ayuda para sa Kapos ang Kita Program (AKAP) hiton nasabi nga ahensya.
Sumala kan Department of Social Welfare and Development, Regional Director, Grace Subong, nga bisan kakilala han usa nga indibidwal nga nakatuka panlista, dire karuyag sidngon nga mahihilakip na ine dayon ha listahanan hiton mga benepisyaryo, matungod nga mayda ine mga proseso nga gin-aagian.
Dugang pa ni Subong, dire madali-dali nga makasulod ha nasabi nga ayuda hiton gobyerno, matungod nga ginpapailarom ine ha panginano ngan berepikasyon kun an usa nga indbidwal o pamilya in angayan ba nga maka-karawat han mao nga bulig.
Gintagan pa hin duon han mao nga opisyal, nga nagdudumara hira hin interview ha mga households, agud nga masigurado nga waray matatabo nga hukos-pukos ha listahan han mao nga ayuda.
Ginamalatumat pa ni RD Subong, nga an sugad nga ayuda mangud in dire para hiton ngatanan, kundi para la ine hadton mga kablas ngan dire akos nga masuportahan an ira panginahanglan ha ira pamilya o panimalay.
