TACLOBAN CITY – Nagpapadayon an panhatag an Department of Social Welfare and Development (DSWD-8), hin cash assistance ha ilarom han Assistance to Individuals in Crisis Situation o AICS program han gobyerno.
Sumala kan Atty. Jonalyndie Chua, Regional Public Infromation Officer han DSWD-8, nga ha ira nagpapadayon nga pan destribwer, mahugot nira nga ginpapahimatngunan an publiko nga dire an mga ine makarawat hin walk-in nga mga aplikante ha adlaw han pandestribwer.
Sanglit, gin aabisuhan han mao nga opisyal an publiko nga kun waray appointment text message in dire na magkinapoy-kapoy ngan magpinan niguro pagkadto ha lugar kun din man-dedestribwer an ira buhatan matungod nga dire la gihapon an mga ine ma aatenderan.
Gintagan naman hin duon han mao nga opisyal nga dire baliwarayon an ira abiso, matungod nagigin kawang la an pamasahe ngan effort han pipira nga indibidwal nga naglalaom nga mahihilakip, ngan makakatagam-tam han nasabi nga ayuda.
