-- Advertisements --
TACLOBAN CITY – Nabungkag han mga otoridad an usa nga drug den ha gindumara nga buy-bust operation ha Barangay Tinago District, Bato, Leyte.
Nadakop ha mao nga operasyon an mga suspek nga ginkilala kanda Joseph Erang, Junie Abece, Rodel Empleo, Joelito Delos Santos, Sergio Kong, Racel Recto ngan Rodel Kong.
Sumala kan Rogelette Urgel, tagapagyakan han PDEA Region 8, nakumpiska han mga otoridad an ada ha 12 grams han gintutuuhan shabu nga nagkakantidad hin Php81,600.00, buy-bust money ngan makadurudilain nga drug paraphernalia.
Ha pagkayana in nagpapabilin na ha kustodiya han Bato Detention Facility an mao nga mga suspek ngan naatubang na ha kaso nga pagtalapas han RA 9165.
