TACLOBAN CITY – Patay an usa nga driver han ambulance mahuman nga bumungo an ginmamanehuan hine ha Caibiran Biliran Leyte.
Ginkilala an biktima kan Roderick Cesora, ada ha sakto nga pangidaron ngan residente han Caibiran Biliran.
Sumala kan Police Cpl. Randulf Tenebro, Duty Investigator han Naval Municipal Police Station, nga an driver in may kukuhaon unta nga pasyente ha Biliran Provincial Hospital, samtang nakada na ine dapit ha may Calumpang Naval Biliran, in tigda nala ine nawarayan hin malay-tao o kun nahimatay rason nga bumungo an ginmamanihuan hine nga ambulansya ha mga nakaparada nga mga motor.
Gindara pa ine ha ospital, pero gindeklara ine nga dead on arrival.
Samtang talwas naman an upod hine nga biktima.
Hapagkayana, gin-claim na han pamilya an patay nga lawas han biktima.
